自得其樂

無聊, 有時也可以很開心. 別的不說, 出身後, 不自覺覺得坐下來什麼也不做, 什麼也不想(或胡思亂想)是一件很開心的事. 不知道是什麼原因, 總之有一刻可以靜下來, hea 下, pea 下, 心中反而更見充實 ... ... 或許是太累了, 畢竟有年多未放過假了.

什麼也不想的感覺真好.


================

不同時間搭地鐵, 會有不同的得著.

朝早的車廂最沒精打彩, 活像死城, 個個ol 魂不附體, 西裝友"濃"口"濃"面. 但在擠迫的"姪姪通"內, 每日都有一個老人家大刺刺地、心無旁務地翻閱信報, 直至列車駛進銅鑼灣站為止.

下班的車廂最蠢蠢欲動. 各人暗懷鬼胎, 男的想著去那裡蒲, 女的盤算如何整治男友, 有家室的或phone 不離手, 或歸心似箭. 但在這?心鬥角的競技場內, 經常有一個老人家故意把i-pod 的音量調到最大, 裝聾扮啞.

夜深的車廂最wave. 金毛波妹痴男怨女苦苦相纏, 一種癲狂, 各自表述. mk 永遠是叫人精神一振的"大站", 0000 過後, 有的是tube top 熱褲, 濃妝艷粉. 但在這色慾橫流的管道內, 間中有個老人家會拿著電話, 一路傾電話/sms, 一路"觀摩"大觀園.

大細超

我沒有讀小說的習慣. 友人介紹的小說我大都不大了了.

但最近有友人大力推介《Nesnesitelna` lehkost byti`》, 心癢難搔 ... ...

那日午飯後去professional book store 找sylvia 幫手, 說此書已"作古", 最快要一個月才有貨, 著我去別的書店碰碰運氣.


==============


我再說一次, 我做事習慣對人不對事. 說什麼做事要客觀的人心理多少有問題, 老子一來不是聖人, 二來不是政客, 三來不是你的員工, 做事不用持平客觀、看風駛"裡"或審時度勢. 唔"乃其"就唔"乃其", 玩pick on 就pick on.

他媽的懶關心朋友, 我才受不了


==============


昨日驗眼, 視光師說我大細超 (右眼120度;左眼50度), 所以睇0野會朦, 會唔清楚, 但死不了人, 唔使fine tune

好, 我是活生生的大細超了!

so what, 死不了人的.

小記

朋友, 有些話不可亂說, 請慎言

網絡的話半呃半真, 未加查正的, 可不可以先問我這個當事人?

又: 我又可曾把你的事大事宣揚?

將心比心


===============

回家途中在香港站巧遇雷紹麟. 大家交換卡片, 寒暄幾句, 然後各有各繼續去忙.

這樣的巧遇, 出身後試過好幾回了. 印象中好像碰見過黎偉俊、吳文政 ... ...

雷麟好像變的不多, 還是老樣子smart --- 哈哈哈, 條友居然0係機鐵同東涌線的升降台交匯處大嗌"李瑞錦~~~" 害得我以為有人找我麻煩


===============

有點累, 想找個地方好好的睡一睡.

高價買鐘
specification:
1. 一張可供大覺訓的雙人床 &
2. 按摩女郎一個 --- 要真懂按的 &
3. 不要聽到有電話聲等噪音 &
4. 起身時可以食到好東西

如有acceptance 請電郵我

撒賴

有人撒賴、有人彈弓手、有人屈我老眼昏花(雖然我真係就0黎要配我人生中第一副近視眼鏡)、有人做"錯"事不負責任呀~~~~~~~


================

星期五 thank god its friday pary 成行!!! 各位好友, 我地打冷去也~~~~

蛤仔粥、豬大腸、鵝腸、豬紅... ...

... ... ... ...
... ... ... ...
... ... ... ...
... ... ... ...
... ... ... ...


通通冇得食

>__<

但唔緊要, ta 姐找數, 哈哈哈哈~~~

19:xx 謝菲道見0羅


================

《好書獻給你》



如閣下認為我的中文可讀, 認為我的blog可以一看, 那我可要多謝橋公了.

我不敢攀附橋公, 亦無以自詡文字像他, 只是大學時曾"苦心孤詣", 日夕看橋公文章, 希望一窺字詞之堂奧、詞藻之幽玄及文章之行氣. 可惜臨慕未竟全功 --- 文字拙劣依舊、造句生硬如惜、篇章累贅無味 --- 所得者稀, 勉強是對文字的品味有點寸進而已.

人畢竟犯賤. 出身後才驚覺自己讀書時用功不足, 弄得現在無以制衡文字, 只得終日埋怨. 還幸橋公依舊日夕筆耕, 隔天小風景一番, 談談舊人, 說說故事, 好讓我等?囊飯桶能剽竊其言, 在友濟間裝模作樣吹噓大鼻一番 ... ...

我信文字像財富 --- 大富由天, 小富由儉 --- 雖然不是人人能開天pig (哈哈~~)地, 但整整齊齊, 無穿無爛, 總不算難吧.


書名: 故事
作者: 董橋
出版: Oxford University Press

對號入座

吃過一次了. 那年聖誕, 0係你hall 0度搞x'mas party, 你0地一個二0個掛住食芝士波, 煎乜焦乜, 記憶尢新 ... ... 未敢忘記未敢忘記

又: 禮拜五阿李小姐可能唔得閒 ... ...


==================

"真高興，中學同學前來到訪將軍澳中心，優閒的度過了一個周日，雖然他們只帶了兩梳蕉...... " (from interlude-da)

哇哇哇~~~好彩我唔係你中學同學嗟


"真高興, 大學同窗約我去她落在將軍澳的家, 優閒的度過了一個周日, 雖然她只準備了一底糕 ... ..." (from selected topics in)


==================

《特區政治化妝術》--- 葉根銓

有冇好友可以介紹一下銓哥?

最近分別見兩個人提起他, 忽然對佢有d興趣 (注: 我只愛女生, 尢好壞的)

老公公之謎

人老了, 就喜歡執0野


=============

早陣子老媽0係七樓搬0左個櫃返0黎, 著我將d書tum 晒入去, 廢事惹爬爬.

執0野0個陣, 0係個辰衝袋(我有好多辰衝袋) 入面搵到兩本相部 (當然0係絕密的, 唔係洗乜收到0甘密!!). 內裹放了30張相, 30張我好喜歡的相. 那天拿起再看, 喜歡如舊, 特別是long bench那一張, 簡直是神來之筆, 只是物換星移, 許多的事都已經變了而矣.


=============

老公公這個混號是肥妹妹改的.

她說我舉手投足, 談吐接物像個老者, 因以為名. (雖然我唔覺得我老餅, 但既然改者快, 用者等優(indifferent), 我也樂於順水推舟, 剽竊一下肥妹妹的創意, 來個 adverse possession)


=============

那年在buildings dept 做intern, mentor ck劉說我是少數可以同佢傾到偈同溝通到0既0靚仔. 劉生當時+42, 我21, 剛好大一個碼.

又: 劉生很照顧我, 一0黎係佢好人, 二0黎佢都係九華產品 (這個我係最後一日返工先得知的)


=============


某日夜晚銅鑼灣sogo... ...

我: 呢條0太得唔得? (深色斜紋)

旦旦媽咪: eeee~~~~0甘老餅0架

我: 0甘邊條好?

旦旦媽咪: 粉hung 色呢個啦, 夠sharp, 一定醒神~~~

我: 不如買條"翠兒" 呀, 好唔好?

旦旦媽咪: e~ 都好bor, 我以前個阿sir 都打"tweety" 0架, 勁得意

我: (心中納悶) ... 去爬地?

旦旦媽咪: 唔係呀, 返學呀...勁多同學仔鍾意

我: (精神一振)* 真係?
(*注: 旦旦媽咪讀名牌女校, 該校除了個別男人婆外, 以出靚女見稱)

旦旦媽咪: 係呀, 0甘你係咪買嗟, 唔係唔好阻住時間, 我重要去睇衫買衫... ... Rio 大特價ar~~.
唉, 都係算吧啦, 我鍾意0個d你實唔鍾意, 你淨係鍾意瑪莎同Ascot Chang 0個d老人0野 (不屑眼光), 你得閒自己去買啦, 唔好煩我, 反正件件一樣.

突如其來

不日公演

 

留意劇情

明星及其他

當你見天上星星　可有想 想起我
可有記得當年我的臉 曾為你更比星星笑得多

當你記起當年往事　你又會如何
可會輕輕淒然歎喟 懷念我在你心中照耀過

我像那銀河星星　讓你默默愛過
更讓那柔柔光輝　為你解痛楚＃

當你見到光明星星　請你想　想起我
當你見到星河燦爛 求你在心中記住我


=============

等... ... 最較人心痛, 特別在等一些可能永遠等不到的東西

可是她的曇花一現, 卻會教你忘掉之前的痛... ...

無數個的夜晚, 等了又等; 失望嘛, 當然是一次又一次... ...

是的, 一個實實在在踏入過我宇宙的人, 很難忘



=============

又:

唔經唔覺俾人趕0左出0黎3 年了. 今早同老媽提起, 原來大家都已經忘記了那一件"原始"的trigger 了.

或許靚媽說的對, 這才是忘記! 忘得一乾二淨 ... ... 忘到可以拿來開玩笑
(靚媽, 我叻過你 <-- 唔好玩踢爆, 乖乖0地俾我認一次叻吧, 我已經很蠢了)

==============

又又:

禮拜同老ta、老ta 護法同埋雪雪串dada 的門. 再嘗久遺了的dada 手藝 (對上一次已是大二時的南瓜露了) . 一盤透心涼的糕點, 吃了, 不羨仙0羅~~~

手藝還是那麼精湛, 食物還是一樣yumi yumi --- 你睇我同老ta 兩個掃晒dou 0野就知啦. 打牌的事該早點安排嘛, 害得我要睇McDull ;-<

商場的"九斗半"不過不失0羅. 但我原本諗住dada大顯神通0架嘛 (老ta 同雪雪一出手我即閃, 雖然食佢地煮0既0野係三生有幸), 點知還是要出街吃... ...

希望今個星期五的thank god its friday party (打冷) 搞得成, 得0既話, 又可以聚一聚 (記住!! 老ta 話找數的)

四大粥品

我喜愛食粥. 雖未至瘋狂, 但有得choose, 我prefer 粥.

朝早起身後同枕邊人去食粥係我一生的宏願之一 (其二係夜晚同靚女去宵夜食粥, 哈哈哈). 特別是北風凜凜, 天寒地凍的日子, 做0野前或深夜時吃一碗及第粥同一碟腸粉, 一樂也.

在此推介四間粥舖俾大家(相信總有一間0係左緊), 希望各位能同有緣人一齊去食碗粥, 暖一暖心肝:-

1. 彌敦粥麵
佐敦西貢街的老字號. 金牌鮑魚粥貨真價實, 價錢是高 (好像是98) 但一分錢一分貨嘛. 又, 該店的麵食不錯的, 朝早起身, 一碗粥, 一碗麵; 吃了,不羨仙

2. 富記粥品
旺角花園街的生招牌. 是的士同小巴司機的醫肚勝地. 雖飽歷搬遷 --- 由上海街搬至現址 --- 惟其粥品的水準依舊. 除粥品外, 極力推介它的炒麵同菜?魚頭湯, 冬天飲一碗, 暖意在心中, 呵呵呵

3. 生記
生記是報紙常客, 耐唔中總會有人0係column 內提起它. 誠意推介豬心+肉丸粥. 豬心爽脆, 肉丸彈牙, 配點燒酒, 吃了, 酒不醉人人自醉 (自我陶醉~~~~哈哈哈)

又上環總店永遠busy, 九龍分店假日同公眾假期休息(平日開11:00 點)

4. 何洪記 / 正斗
同系食肆. 早前曾為文談之. 粥粉麵飯四大佳宜價錢ok. 另外推介細蓉、炸雲吞同?(可惜炸雲吞還是比不上澳門的六記 --- 我想輝哥會同意). 記得臨走前讚下收錢位大姐, 同佢講d 0野好好食, 佢會好開心的.

=================

食0野還是那句 --- 同乜人食第1; 食肆其次; 其下食乜

有趣、有趣

"同是天涯淪落人"

剛收雪雪(對不起, 0益慣0左, 改唔到口) 電郵, 是些有趣有用的資料. 細看內容, 赫見芳鄰dada 的名字, 笑了出來.

原來, 一切如題

哈哈哈哈~~~

預祝早日"輪迥轉世" 遠離北之角

===================


泊棋媽msn 我, 說一人不能侍三主, 頭"痛"得很.

其實我羨慕你就真, 起碼有得choose. 可恨我欲求一choose 而未得, 繼續"宦海"浮沉

曲線的偽術

其一

一如所料, 香港有報紙翻箱倒"?"(好似打錯字), 就唐唐"拍籮柚"論抽其後腳. 但注意同一時間抽埋曾特出0黎, 間間接接0甘拉曾生落水.

試問:-

1. 肥彭年代主理財經者為誰?
2. 回龜頭七年誰是FS?

好一招曲線反曾.

只可惜唐唐的表現太肉酸, 太搞笑... ...


===================

其二

曾特0係呢個時候搞gst 明顯係目標與原則不相符, 明顯係想0係短時間內:-

1. 顯示某人的工作能力有問題
2. 拖低某人的"民望"

好一個c 馬超


===================

其三

1. 出年選凸手有戲睇 <-- 但不是好戲, 而是鬧劇

2. 肥彭係高人, 點會俾你兩條0靚仔撚化到

3. "彭定康說，推行銷售稅需要很高超的政治技巧，並重申他出任港督時，沒有展開討論是正確的決定。" (蘋果日報)

哈哈哈~~~好一個英式humour

分析公司

敝人不才, 日夕浮沉於財經文字, 惜坊間可觀者稀, 又見成名者日日舊酒新瓶, 故撰此文, 列各重點, 以饋各友:-

===============

其一

分析公司, 不外五事三法

五事為:

1. buy low
2. sell high
3. collect early
4. pay late
5. avoid taxes

三法者:-

1. 管理層background 同誠信
2. 公司的相對/絕對優勢
3. 過去三、五年的交易記錄

===============

其二

分析報告, 一般結構如下:-

起. 有關事件之概括 (通常是上市通函的summary) --- 時、地、人、事 及 數
承. 公司年度財務背景
轉. 交易細節 (通常在上市通函找到) --- consideration、交易/結算方法、折讓/溢價、SPA
合. 質疑 / 見解 --- 就上述3項提5個w + 一個h

===============

其三

永遠問自己兩個問題:-

1. 如果我係當時人, 我會點做
2. 邊個係交易的最大得益者

===============
其四

講係冇用0既, 落場最實際

一週大事回顧

其一

唉~~~ 真的人算不如天算, 以為冇人睇到, 可以瞞天過海, 估不到0甘0岩俾小宜睇到. 冇計冇計


=================


其二

書展同往年的差唔多, 無甚大驚喜.

今年的收穫唔係太大, 3本0甘多:-

1. 20蚊買0左本講賭場0既書

書名: 賭遊記
作者: 戴子郎
出版: 壹出版

2. 又係一仔!!! 一炮雙響~~~~

金田一少年之事件簿 劇場館–第三次殺人事件 1、2 (香港中文版)
作者: 天樹征丸 佐藤文也
出版: 東立出版集團有限公司

=================

其三

高層外遊, 本應更忙. 但本週事與願違, 奇也怪哉


=================

其四

有興趣"立"書走者請盡早通知, 我無乜耐性


=================

其五

請多多支持




The musical is a celebration of WYK students’ passion towards English drama and music. The proceeds will be contributed to the Fr. Kelly Educational Fund Limited. Father Deignan will be the Honorary Patron and Father Baptista will be a key performer.

Tickets are only available at Wah Yan College, Kowloon. Should you be interested in the musical, please fill in the attached and make the cheque payable to “Fr. Kelly Educational Fund Limited”.

Nesnesitelna` lehkost byti`

言者有心, 看者無意, 讀者有感


=================

前言

這是我對一個人的承諾, first part 之前寫了. 今日再續前緣寫second part.

今日呢個version 同我一開始的構思有很大的出入, 說完全不同亦不大為過. 但我認為呢個好d, 有多少少的深度, 多少少的狂 --- 就係0個少少0甘多多 --- 始終不能對0靚仔有咩期望, 除非我擁有平等的對待.

這個本應private. 但思前想後, 還是覺得go public 較好.


==================

其一 "亢龍有悔"

亢龍十八掌第十八招是"亢龍有悔".

去得太盡或高峰過後的空虛或沉迷過深的堅持都非好事, 始終最難耐的是屠龍過後的虛無, 故曰"留一線". 專心至致是好, 但沉溺卻是萬個不該.

色不異空, 空不異色, 色即是空, 空即是色, 受想行識, 亦復如是.

好深? 唔知我up 乜? 唔洗擔心, 我都唔知.

==================

其二 The Unbearable x of Being

"生命中不能承受的x"

x 可以是:-

a. 重
b. 輕
c. 痛
d. 愛
e. 或其他

這個命題給人改了又改, 曾經是戲名, 曾經是書名, 曾經是poster 的gimmick.

彷彿一切沾上"生命中不能承受"的的才料, 就見得特別的沉重、文藝、教人沉思 ... ...

但云云眾字, 我還是喜歡用上一個"痛"字, 多幾分的造作、多幾分的憂愁 (少年強裝愁滋味)

當然, 有得choose, 我一定choose 原文. 很elegant 的一個名.

生命中不能承受的, 我想以"亢龍有悔"的痛為最.

==================

其三 隨想

我沒有太多想說, 只是生性怪誕 (又經常口不擇言, 所以得罪人都唔知), 總覺得對人對事要有一份真、一份寬容, 知無不言, 話盡量實 (sorry 我還是會講大話呃人, 特別係呃靚女).

晚上沖涼時 (係, 冇錯, 我最喜歡一路沖涼/爆石, 一路諗正經野), 覺得有些"想法"好似有d 唔係好"對路", 覺得有些少責任(或多事)要講一講 --- 當我是旁觀者好了


==================

其四 "He is the only who treats me truely" (ibid)

對百分之二百投入的你, 聽到你說的事及種種當然替你高興, 亦願人長久

但內心不其然泛起一小點第三者的冷眼不安:-

假如當初是太"沉迷", 結果令自己迷失了; 我不禁"擔心" 今日是否只是"物換星移".

願人長久, 亦願"終身美麗"

===================


後記:-

你我萍水相逢, 我想我可能已講得太多了. 但 Einmal ist Keinmal

廢話abc: 謹送上祝福一份

這個寫得不好, 見諒

GST

disclaimer 我不談econ, 只談logic


==============

坊間贊成gst 或equivalent 的人常引歐洲或星洲之經驗作旁證, 說gst endorse 之後並沒有之前所說的side effect, 所以抽之可也. china comm bank 的羅x聰在信報撰文, 說的"大概"是這些 (我屈佢 --- 即 ibid).

我不懂econ, 但就分析而言, 這個說法好似漏洞:-

1. 沒有predicted 的side effect 不一定要幹 (扑1,000次0野唔戴套都冇事唔等如扑0野可以唔戴套)

2. 比較錯誤 --- 不是對比之前之後, 是比有同冇的分別. 有gst可能真係冇野, 但冇gst 可以係勁100倍!!

如何eliminate 呢個effect, 呢個possibility?

或曰, 用ARIMA 用VAR, 但你信嗎?
(我相信靚女唔使化妝, 8 婆化妝都冇用)

又:
i) 齋sampling 已經插到死
ii) 廢話 abc: gst 包唔晒d 服務同商品

至於如何比? 點做control? 這是econ 同stat 的事, 我唔識.

3. 就算比, 都唔係用馬後炮的objective去衝量, 而係睇gst 做唔做到最初抽水的目的.

打個比喻, "老公公基金"開波抽水0既時候諗住日賺萬金, 點知turn out 月賺千金. 當然相對其他芬佬, 老子重可以"巴之閉", 但其實targeting 是completely 失敗

但老公公刨信報0甘耐都好似冇發現有關的跟進同分析, 即0個d gst 國家到底係得不償失, 定得超所失呢, 唔知道... ...


小結: (3) 係第一關, 唔過(3), 不如去打飛機算了; (2) 係第二關; 過(3)唔過(2), 晒氣; (1) 守尾門, 過(3)過(2)唔過(1), 叫屎忽痕, 但只有一類人做到 ----

登登登登登

佢就係

你的高級公僕


===============

老人家畢竟年事大, 最鍾意簡簡單單、最鍾意(同"白""爺"婆)數手指、最鍾意口up up

生日快樂

happy birthday to you
happy birthday to you
happy birthday to 泊棋~~~~~~~~~~~~~~
happy birthday to you



小泊棋今日一歲生日. 祝佢快高長大、身體健康、快d大個仔孝順媽媽 (你死仔夠膽恰你老母我實唔放過你!!!)

0甘快又一年了

情何以堪... ...

話不多說, 亦不要問點解. 我決定放盤 --- 把所有的econ 書免費送予有緣人.

條件是 ---

i. 你會保護它
ii. 你會用它
iii. 你會好好利用所學

(先在此謝過台端的慷慨及仗義... 當然還有那一票經典及(將)已成絕響的"冥通"及latte)

===================

曾經好喜歡一件事, 為她/它瘋狂, 為她/它不眠不休, 是一生中最美好的時刻

可惜, 正如matrix 名言 everything that has a begining has an end.

我想學會放下, 無痛的... ...

通告

老媽事先張揚星期一發動工業行動. 我別無選擇, 只得屈從.

邊位得閒monday 應酬老人家一名? 有興趣者, 請電6xxx xxxx 或sms 6xxx xxxx 或e-mail 我或留名於此, 我保證回覆.


*******************

0係保險公司做claim 的好處係學識點去唔信人同質疑任何present 0係案前0既document. 即使係"證據確鑿"都好, 只要你肯挖空心思, 總會有area去搬弄. 當然, 所謂的"搬弄", 實不外係terms 一個而矣, 重點係學曉點樣唔會俾人lead 住行.


*******************

Grand Feeling

1. 7-8成醉, 0係條街0度玩飄移、頭搖後尾擺時
2. 一覺到醒
3. 同朋友仔(特別係靚女)傾偈
4. 同屋企人食早餐 (remark: 我最鍾意食早餐)

何洪記

今晚夜收工, 10點離開辦公室, 找地方祭五臟. 行經jardine sq, 心中納悶, 忽然想食碗粥, 整碗細蓉, 但見兩岸食市已棚尾拉箱, 於是0係唔知乜街0度左"柺", 經manulife 直奔何洪記.

何洪記0既招牌菜係乜我唔知, 只知道佢地個(及第)粥(底)正到直豎母指, 潮州麵(細蓉)頂瓜瓜, 炒粉炒麵係斷線結它, 係唔try 過唔會信的香港美味. 舉個例, 若閣下覺得causeway bay 池記值20蚊, 何洪記無論如何不少於30, 即起碼有33.33333%質素溢價.

我今晚點了最考工夫的米王同幾乎已絕跡hk的"細蓉" (麥奀記都重有做). 食飽之後飲杯熱茶, 起身拍籮袖, "何"似 "在人間"... ... (只可惜今晚唱獨腳戲, 冇對手 --- 惟一缺憾)

又: "何洪記"屬"正斗"系. 後者在黃埔美食坊有地盤, try 下, 應該幾好

"何"似 "在人間"的代價: hkd38


==========

補白

芳鄰dada 何以如此感觸?

可有用得著老人家之處?

又, 將軍澳可有好食市? 如有, 請介紹, 呢round 我0既.
(話晒上次點0左你一0野去"東大")

待覆

世界真細小

世界真細小, 所以日頭唔好講人, 夜晚唔好講鬼. 否則後果自負.


===================

晚上和sara 聚舊吃飯, 談了些事, 得了些"資料". 原來我的想法大概正確

又: sara 你的問題問得好 (其實顯然易見), 我認... 只是不欲多談. 尢其涉及他人的事


===================

累了, 寫不了...

再續

隨想

金庸小說, 我最愛神雕. 喜歡他的故事, 喜歡他的結構, 喜歡他的強烈個性, 喜歡他細膩中的粗厚(or vice versa)

最近電視又做神雕. 看過第一集已知是失敗之作. 故事節奏嚴重失衡、 切入點輕重不分 --- 應長不長, 不長卻長 (男人之苦? 哈哈哈. 別心邪, 我說的是志氣及頭髮)、 演員動作生硬 --- 每個見到小龍女的男人都嫖客遇上大波妹 --- 目定口呆, 完全沒有那份驚豔. 粗疏濫製的CG 特技固然是問題, 但小龍女選角不佳卻是致命一擊.

看官需知小龍女是"神雕"的總串聯, 所以選角有差池, 演不到小龍女的個性 --- 冷豔、單純、及高不可攀 --- 的神雕注定失敗. 我不是說劉亦菲唔靚或唔得, 只嫌她的樣子太可愛教主、太稚嫩、太令我想起朝朝搭地鐵時見到0個d 不可一世0既OL, 再加隨戲附送的污wear 臭飛林峰look 楊過, casting 至此, 你還可以有什麼期望?

其實在大陸拍金庸不該是這樣的. 天時、地利、人和都齊, 山明水秀的"鍾南山"多的是、金碧輝煌的武林大殿多得"予取予攜"、就是打蒙古的千軍萬馬上真人版亦應不是問題. 只是可能大上快幹剽竊思想的dna 驅之不去, 又製作冇heart, 持著名著必勝的心態去做production, 結果好地地的一個上佳故事, 成了空殼皮囊, 靈魂當然欠奉... ...


===============

有件事最近常在腦海浮現. 四顧無人時數數手指細心細味, 開始明白固中的乾坤、道理.

謹送上一份自遠方的祝福

累了, 多休息

今天... ...

一、

中午喝了一杯咖啡撐一撐, 結果下晝心跳、胃痛、 手震、出冷汗... ... 乜都齊

媽咪jess 閃前笑笑口對我說, 如果我0甘keep 住落去, 好快可以退休.

臨走前, 雙膊按下去痛得可以, 是出來做事後的小毛病.

各位可有好師傅介紹, 等我可以鬆一鬆? 但緊記, 我沒有回鄉證.


二、

第一次在112上睡著, 我想是太累了.


三、

如何可以忘記一個人?

有時我會想失憶可能是件好事. 起碼可以少一點精神折磨.

但行過的路就是行過的路, 總有蛛絲馬跡留下... ...

退而求其次, 不失憶, 躲在房內大哭一場(substitution)也不錯

有手尾 (complement) 便傷神了, 他會影響對忘記的demand

最怕是pre-commit 了太多, 得了個inelastic demand

還有、還有, income effect 同substitution effect呢... ...

我想寫一套忘記經濟學, 可有明燈引路?

傷心到心痛我試過一次; 害過人兩次. 比死更難受

那一刻, 你會想起誰?


四、

我累了, 不知道自己在做什麼.

雜記

一.

剪0左頭髮. 簡直係一大解脫!!

0個樣又細路仔番, 哈哈哈...

老媽的評價依舊

老媽: "你剪0左0架喇? 點解前面同中間唔剪多半寸?"

我: "我叫師傅話晒事, 髮型佢設計的"

老媽: "唔怪得啦, 我係剪0個個都特登唔剪0甘多, 等你快d再去啦, 傻仔. 剪個0甘0既q頭要幾多錢?"

我: "hkd160"

老媽: "哇~~~~你真係敗家, 不過算啦, 你家下搵到錢..."

以上對話次次0係我剪完頭髮後一定出現

一切從一年前說起 --- 陸

前言

一年前寫"一切"系列, 爛尾收場. 應承過會寫的, 全部default 晒. 今日再次上路, 還文債.

***************

入地政做事是一件苦差.

記得收offer 時還在cargo 工作, 接電話的一刻簡直如釋重負 --- 因為終於可以離開cargo (正確點說是可以離開那一team人).

我同lands簽的是半年的合約(其後可續一年). 工作範圍美其名是estate management, 實情是打雜及出賣勞力. 日程通常是上午處理文件、聽電話、出report, 下晝出site做inspection, 都是些手板眼見功夫, 不贅.

倒是我半年合約其間人事上的事值得一書.

我記得我是04年10月3日履新, 05年3月3日(?)離職的, 前後約半年, 是正正式式的短期員工. 可是在這"沖""沖"數月間, 我的supervisor 卻大大話話換了三個, 不得不算奇遇. 先是入職時的cathy姐. 佢0係我上工不足1星期內調職往鐵路組, 幫手搞九鐵的land matter, 由是如此, 所以在返工的頭幾個禮拜我都是閒著無聊 (其實整個term 都係), 幫下手執頭執尾, 幫下cathy 姐搬竇.

接cathy手的是team head 的愛將, 是個出了名煩x的officer. 但係唔知係佢太勁夾唔到我地lease enforcement定同我0地office 命格相衝, 佢0黎冇耐, 我地team 就煩事叢生. 先是team head 在辦公室急性中風, 差d冇命; 繼而係佢自己high 0野, 為情而去做空中飛人 (當然最後飛唔起).

記得那時條友無故失蹤 --- 唔返工又唔請假, 打電話又搵唔到人, 即使後來我同acting head 上門家訪亦摸門釘. 正當大家以為佢怕0左返lease enforcement 0既時候 (我team 本是老人樂園, 但自新district land officer 上任後, 即成人間地獄 --- 當然這只是相對於其他部門的同事而矣), 某日下晝我地辦公室收到警處0既電話. 話senior 0個時同女友鬧分手, down得濟, 去酒店開0左間房, 玩自閉, 玩界手自殺及意圖玩空中飛人. 結果佢當然做不成jordan (只當上方向報的筆下的"癡男"), 但就像武俠小說被廢武功的情節一樣, 因為界手傷及筋骨而終身雙手失靈及要入廠定期修理及接受心理輔導.

事件對我的"影響"有限 --- 畢竟我只是過客 --- 結果我0係lands 做了兩個幾月的無主孤魂, 直到大ray 0係12月頭走馬上任為止.

係lands 發生事的當然唔止0甘少. 但講真, 值得記的事不多. 一來政府部門工作有板有眼, 可以搞鬼的工事不多 (但office politics 同8卦0野多到嚇死人!!); 二來我玩自閉, 除了工作外(一天實質的工作時間不多於5小時), 全神灌注做自己0野, 包括睇晒steven levitt 0係freakonomics 內所有篇章的original papers 同煲robert lucas 、s. rebelo 同paul romer 講economic growth 的經典文章 (註: 0個兩個月我睇0既papers多過我master 時睇的總和)

那畢竟是一段瘋狂的日子, 是讀書及"真正"做事間的一個buffering zone.

一週二、三事

今個星期很忙.

同事放假, 忙; 運貨off-spec, 忙忙 (好彩有阿sue 係0度撐住); 連續兩晚的飯聚, 忙忙忙.

雖然是"奔波"了一點, 但過得很充實, 尢其是後後者.

====================

昨晚和靚媽食飯, 蓆間談了許多我似懂非懂的東西.

我相信靚媽是個很上心、有禮的人 (不是每個人都知道或能以9秒9提到"跳河"這件小事; 現代社會沒太多人會對侍者唔該前、唔該後了).

我相信靚媽很錫他的男朋友仔. 看著靚媽同佢男朋友仔講電話, 大概明白什麼叫真開心 --- 那是靚媽全晚最sweet、最靚、同笑得最燦爛的數分鐘. (倒是我自己覺得唔好意思, 阻頭阻勢)

(我更相信那是靚媽全日最開心的一刻, esp 當時佢對岸坐住一隻蛋頭經濟怪物)

我相信靚媽還是有火的, 只是fuel 及oxident 可能暫時供應不足而矣.

我相信靚媽可能累了, 但還是感激靚媽"捨命陪(死)0靚仔" (我太大意了, 大意到忘了之前飲了一round Umeshu (量雖少), 實情應該做Cinderfella, "馬典尼"雖然好波, 但他是雙鋒刃)

====================

今個星期的 Thank God its Friday Party 在油麻地的"勝利小廚"舉行. 小廚的海南雞較天后的chef 精彩, 地方更大勝chef. 價錢亦相宜, 4個人5個?4碗飯3杯飲品加1碗湯, 埋單先hkd208-.

題外話, 生記0係九龍開了分店. 0係油麻地ymca 後面. 但小心, 此生記有點點的高竇, 不開早, 只做午、晚、及早宵. 0係九龍想早餐食靚粥, 還是要去富記.

又: 考考大家功力. 點解chef 會廚房大過座堂!?
哈哈哈, 如果你0甘都答到, 我以後買/賣樓房一定先徵詢你意見

====================

好書獻給你 --- "金田一少年之事件簿: 吸血鬼伝說殺人事件"

一仔重出江湖. 此一, 金田一是也.

港版現已有售.

無須多講

"謎題已經全部解開了"

"金田一少年之事件簿: 吸血鬼伝說殺人事件" (香港中文版)
作者: 天樹征丸 / 佐藤文也
出版社: 東立出版集團有限公司

我的"得閒飲茶"

史兄談"得閒飲茶", 有感, 決定狗尾續貂:-

1. 從好的那一方面看, 男生不一定蝕底
正如共產國家走資一樣, 大家可以是一齊happy的 (當然這不保證人人better off 但整體的collective welfare 有升冇跌幾可肯定)

2. 同樣的問題 and etc issues 我有同別的女生談過 (包括提出testable 的implication), 但結論不外是"isaac 是一個怪人" 或 "係咪0架" 或 "你d男仔更係0甘講" 或 "唔好話你d男仔冇用" 或"你睇書睇到short 0左" ... ... 等

3. 有趣的是有關的改變(女性生產力的release) 對婚姻這一張contract 的terms 的影響 <-- 這個史兄是專家, 事關佢master 的"desert" 是寫marriage contract的, 有興趣者, 可以去hku library 起墳驗屍.

4. 史兄文中的道理, 適用於政制分析, basic 的 conclusion 是共產主意"必死"無疑 and 把政治同經濟tie off 是傻得可以的行為

5. 題外話, 記得econ 有一個產油國與輸油國的故事. 講的好像是pre-committment, 記不起是wing suen 還是 joe chan 還是其他人講的. 當中含意多少與"得閒飲茶"有關.